Pages

Adultery (Zina)

Zina - Zina In Islam And Quran - Zina Ki Saza In Islam
Mani (semen) kay ikhraj ka chotha zarya zina hai jo kay gunah e kabira hai jis sey har soorat mein bachna chahiyie. Quran majeed mein irshad hai kay "zina kay qareeb na phatko, woh bohut bura fael hai aur bara hi bura rasta hai" (Bani Israel ayat 32)

Zina ki kaee surtein hain maslan

Mard ka apni biwi kay elawa kisi aur aurat sey mubashrat (Intercourse) karna ya biwi ka apney khawand kay elawa kisi aur mard sey mubashrat karna. Zina muashirey ki tabahi ka ek bohut bara unser (factor) hai. Isliye Islam mein zina ki sakht saza hai. Shadi shuda fard kay liye sangsaari aur ghaer shadi shuda kay liye 100 korey. Quran majeed mein irshad hai kay "zania aurat aur zani mard donon mein sey har ek ko so (100) korey maro aur inn per taras khaney ka jazba Allah kay deen kay muamley mein tumko daman geer na ho, agar tum Allah aur roz e aakhirat per eemaan rakhtey ho aur inko saza detey waqt ahl e eemaan ka ek groh mojood rahey" (sura noor ayat 2) Allah kay Nabi ney hamsaya (neighbour) ki aurat sey zina ko aam zina sey zyada bura qarar diya hai. Isi tarah qareebi rishtey daaron kay sath zina bohut hi buri harkat hai. Yaad rahey kay dakhool (penetration) kay ba'ad donon per ghusl farz ho jata hai chahey inzal ho ya na ho. Yeh jinsi beyrahrawi (sexual perversions) maghrib khusoosan America mein bohut aam hai. Ek survey kay mutabiq 97% mard aur 80% aurtein shadi sey pehley mubashrat kar chukey hotey hain. (Hyde)

Privacy Policy. Powered by Blogger.
 

Followers

Most Reading